Lesoni 3 ni Epereli 16, 2016

“Ia ni sa raici ira na lewe vuqa ko Koya, sa cabe ki na ulunivanua, ia ni sa tiko sobu, sa lako mai vua ko ira na Nona tisaipeli. A sa vosa ko Koya ka vakavulici ira, ka kaya.” (Maciu 5:1-2) Kena ivakaraitaki, na ivunau eso era vakamacalataka na ivakarau nodra na lewe ni matanitu era gadrevi. Yalomalumalumu ka dau loloma, yalovinaka ka savasava na yalodra, dau veivakameautaki, ka ra tagica ka karamacataka na yalododonu ka ra dau vatonaki ena so na gauna. O ira na lewe ni Matanitu era vakamacalataki talega ena so tale na tiki ni vunau. Era sega ni qaqasodrosodro, ka ra sega ni daulelewa ia era vakasaqara ka kacivi ira eso, era lakova na sala qiqo, era vuavuai ka ra tara vale ena vatu. Ena vunau mai na ulunivanua, e vakamacalataka kina o Jisu na nodra ivakarau ni bula na lewe ni Matanitu.

“Dou kakua ni vakasama ni’u sa lako mai me’u vakaotia na Vunau nei Mosese, se na nodra ivakavuvuli na parofita. Au sa sega ni lako mai me’u vakaotia, me’u vakayacora ga.” (Maciu 5:17)

“Ni’u sa kaya vei kemudou, kevaka sa sega ni uasivi cake na nomudou ivalavala dodonu ena nodra na vunivola kei ira na Farisi, dou na sega sara ni curu ki na matanitu vaka- lomalagi.” (Maciu 5:20) Na nodra yalododonu na Farisi Kua ni laba, kua ni lasa ituba, kua ni voroka na nomu vosa ni yalayala (5:21-37). Mata ki na mata, bati ki na bati (5:38-42). Lomana na wekamu ka cudruva na kemu meca (5:43-47). Vakaraitaka na nomu isoro kei na nomu lolo me ra qoroi iko kina eso (6:1-4, 16-18). Masu ena vanua laurai levu me ra kila eso na nomu lotu dina (6:5-8). Kua ni laba, kua ni lasa ituba, kua ni voroka na nomu vosa ni yalayala (5:21-37). Mata ki na mata, bati ki na bati (5:38-42). Lomana na wekamu ka cudruva na kemu meca (5:43-47). Vakaraitaka na nomu isoro kei na nomu lolo me ra qoroi iko kina eso (6:1-4, 16-18). Masu ena vanua laurai levu me ra kila eso na nomu lotu dina (6:5-8). Na nodra yalododonu na lotu va- Karisito dina Kua ni vakasamataka na veika ca. Kua ni veivala kei ira na tamata ca. Vukei ira ka kua ni sauma lesu na ca. Lomana na kemu meca ka vosa vakalougatataki ira era vosa vakacacataki iko. Solia vuni na nomu solisoli ka kua ni vakaraitaka nomu lolo. Masu vuni vua na Tamamu; ena sauma o Koya ena vanua e laurai. Kua ni vakasamataka na veika ca. Kua ni veivala kei ira na tamata ca. Vukei ira ka kua ni sauma lesu na ca. Lomana na kemu meca ka vosa vakalougatataki ira era vosa vakacacataki iko. Solia vuni na nomu solisoli ka kua ni vakaraitaka nomu lolo. Masu vuni vua na Tamamu; ena sauma o Koya ena vanua e laurai. O ira na Farisi era maroroya na Vunau me ra qoroi kina. O ira na lotu va-Karisito dina era bulataka na Vunau me vakalagilagi kina na Kalou.

“Ni savasava na vunau, o ira na Jiu era sega ni rawata na yalododonu mai na nodra tovolea me ra maroroya na vunau. O ira na tisaipeli nei Karisito me ra rawata na yalododonu e duidui na kena ivakarau mai na kena vei ira na Farisi, kevaka me ra curu kina matanitu mai lomalagi. Na Kalou e solia vei ira, ena vuku ni Luvena, na yalododonu e taucoko ni vunau. Kevaka era dolava na yalodra me ra ciqomi Karisito, na bula ni Kalou, na Nona loloma, ena tikotawani ira, ka vukici ira me ra vakataki Koya; ka ra na taukena na yalododonu e gadreva na ivunau ena vuku ni isolisoli wale ni Kalou.” E.G.W. (Thoughts from the Mount of Blessing, cp.3, pg. 54)

“O koya mo dou qai vinaka sara me vaka sa vinaka sara na Tamamudou sa tiko mai lomalagi.” (Maciu 5:48) E rawa vakacava ni da taucoko me vaka na Kalou? E sega ni rawa. Ena vakasama oya (Maciu 5:43-47), eda na taucoko ena noda itagede me vaka na Kalou ena Nona itagede kevaka eda lomani ira kece na tamata, wili kina o ira na keda meca. Me da nanuma ni Kalou e sega ni kerea vei keda e dua na ka e sega ni na cakava rawa vei keda. Kevaka e vakatau vei keda na loloma oya, ena sega ga ni rawa ni da lomani ira na keda meca. Na lomani ira na keda meca e sega ni vakarau ni vuravura qo, ia eda sa yaco me da lewe ni dua tani na Matanitu. Eda ciqoma e dua na yalayala talei. Kevaka eda vakamalumalumu vua na Kalou, “O Koya e tekivuna e dua na cakacaka vinaka ena lomamudou ena vakaotia me yacova na siga iJisu Karisito.” (Fil 1:6). Na cakacaka levu duadua e rawa ni cakava na Kalou ena lomada oya me vakavuna me da loloma ena noda itagede me vaka e lomani keda?

“A sa lewe vuqa sara era sa soqoni vata kei Koya, a sa vodoka e dua na waqa ko Koya, ka tiko sobu; a sa tu kecega mai na matasawa na lewe vuqa. A sa levu na ka sa vosataka vei ira ko Koya ena vosa vakatautauvata ka kaya.” (Maciu 13:2-3) E dua na turaga e kunea e dua na iyau talei ena dua na loma ni bai. E volitaka na ka kece e taukena E volia na loma ni bai Na vakabulai e soli wale, e sega ni rawa ni voli (Aisea 55:1, Marika 8:36-37). O Jisu e vakayagataka na vei talanoa eso oya me vakamacalataka kina ni o ira na vinakata na veivakabulai me ra biuta na ka kece ka rawa ni vakataotaki ira mai na nodra ciqoma. E dua na dau veivoli e kunea e dua na mataniciva E volitaka na ka kece e taukena E volia na mataniciva

“A sa lewe vuqa sara era sa soqoni vata kei Koya, a sa vodoka e dua na waqa ko Koya, ka tiko sobu; a sa tu kecega mai na matasawa na lewe vuqa. A sa levu na ka sa vosataka vei ira ko Koya ena vosa vakatautauvata ka kaya.” (Maciu 13:2-3) Na lawa ni Kosipeli e soqona na veimataqali tamata; tagane kei na yalewa ka ra muria ena duidui na vuna. E viritaki e waitui e dua na lawa E soqona na veimataqali ika O ira na ka vinaka era tawa ena kato eso Na kena ca era viritaki laivi O ira ga na laveta na veika tawamudu me cecere cake mai na veika vakavuravura ka laiva na Yalo Tabu me veisautaki ira era na marautaka na bula tawamudu.

“Kua ni laiva e dua na ka me tarova na nomu toso ena gaunisala ni bula tawamudu. Na nomu tawamudu e vakatau kina. Me dua na cakacaka matata vakaoti me caka e lomamu. Mo veisau taucoko, de o na sega ni rawati lomalagi. Ia o Jisu e sureti iko mo laivi Koya me nomu kaukauwa, ka tokoni iko. Ena nomu dau ni veivuke ena gauna donu ni nomu gagadre. Vei iko ena vaka na rurugu ni vatu levu ena vanua ni oca. Me kakua ni nomu leqa na via rawa ka ena vuravura qo, ia me ogaoga ni lomamu qo: E rawa vakacava ni’u vakadeitaka e dua na vuravura e vinaka cake? Na cava me’u cakava me’u vakabulai kina? Ena kena vakabulai na yalomu, era na vakabulai kina eso. Ena nomu laveti, era na laveti eso. Ena nomu kukube matua ena dina kei na itikotiko vakatui ni Kalou, o vukea eso tale me ra kukube ena nodra vakabauta e sautaninini ena Nona yalayala eso kei na Nona itikotiko vakatui tawamudu. Na vanua mo yaco kina oya mo taura ni bibi cake na vakabulai mai na rawa ka vakavuravura, ka wilika me ka wale na ka kecega me rawati kina o Karisito. Na soli bula ena vukumu me ka taucoko. Na Kalou e sega ni vakatara na vakavotaka e dua na ka, na solika e wasei; ka sega ni rawa ni o taleitaka edua na matakau. Mo mate ena vukumu kei na vuravura. Vakavoutaka na nomu soli iko vua na Kalou ena veisiga. Na bula tawamudu e veirauti kei na sasaga ni veisiga ena bula taucoko.” E.G.W. (Testimonies for the Church, vol. 2, No. 15, cp. 3, pg. 48)