1. Lesoni 8 ni Me 23, 2015

2. “Ni sa lako mai na Luve ni tamata me vakasaqara ka vakabula na ka sa yali” (Luke 19:10) ME VAKASAQARA Na sipi sa yali Na ilavo sa yali Na gone sa yali ME VAKA BULA Vei ka esa calati Lasarusa kei na tamata vutuniyau Vei ka e sa rawati Patimeo Sakiusa

3. “Ko cei vei kemudou na tamata, sa dua na drau na nona sipi, kevaka sa vakayalia e dua vei ira, ena sega beka ni biuta laivi tu na ciwasagavulu ka ciwa e na veico, ka laki vakasaqarai koya sa yali, me kunea mada?” (Luke 15:4) E sa vakila beka na sipi ni sa sese tu, ia e sega ni rawa ni vakabulai koya. E vakatakarakarataki cei na sipi? E vakatakarakarataki ira era sa kila ni sa yawa mai vua na Kalou, ia era sega ni kila se me ra kunei Koya vaka evei Era gadreva na veivuke ni vakatawa ni sipi me tuberi ira kina na sala ni bula. Eda sa yaragi ni cakacaka ena liga ni Kalou me vakasaqarai ira na tamata ka tuberi ira vei Jisu.

4. “Se ko cei na yalewa sa tini na nona tiki ni siliva, kevaka sa vakayalia e dua na tikina, sa sega beka ni tutuvaka na cina, ka taviraka na vale, ka vakasaqara matua, me kunea mada?” (Luke 15:8) E kila na yalewa ni sa yali na nona ilavo, ia na ilavo e sega ni kila ni sa yali tiko. E vakatakarakarataki cei na tiki ni siliva oya? Na tikini siliva e vakatakarakarataki ira sa yali tu ena vuku ni nodra ivalavala ca ia era sega tu ni vakila. E rasega tu ni vakila na nodra sa yawa mai vua na Kalou. O Jisu e kauwaitaki ira talega era sega tu ni vakila na Nona loloma. E gadrevi keda meda vakasaqarai ira matua na tamata vaka oya. E dodonu me vakaraitaki vei ira na nodra malumalumu, ka me rawa ni vakila na ituvaki ni nodra bula ka ra vakasaqara na bula tawa mudu.

5. NA NONA IGOLEGOLE(t. 11-12) Eya sega ni kila o koya na veimaroroi loloma ni vunau ni Kalou (kei na veika e tabu ka sega ni dodonu me kalawaci). Ka mani nanuma kina me bula ena dua na bula galala ka sega na ka e “vakatabui koya kina” ka yawa mai na loloma ni Kalou NA KA NI RARAWA(t. 13-16) E bula vaka sabusabu. E vakila na veivakalialia ni valavala ca…me yacova ni sa tamusuka na kena vuata gaga. NA RAI LESU(t. 17) E sa qai vakila ni Kalou e tug a vua na vei ka kece, ia o koya e sa liga lala. E sega ni qai vunauci keda na Yalo Tabu ena gauna lolovi ra vaka oya, ia e dau vakaraitaka ga vei keda na na cala ni vei ka eda sa cakava. E sa dau surety keda me da lesu kina liga loloma ni Kalou. NA ILAKOLAKO LESU (t. 18-20) E vakararavi ena loloma kei na veivosoti nei tamana E vakatusa na nona ivalavala ca. E ciqoma na lolovira ni nona bula (veivutuni dina) E vakaraitaka na nona gagadre me tiko tale vata kei na Kalou ka vakayacora vaka kina. Na vosavakaibalebale ni “gone cidroi” ena Luke 15:11-32 e italanoa kei Koya na Tama (Kalou) kei na luvena e ya yali. Edua vei rau e ya dro laivi mai veitamana ia e dua e tug a vata kei Koya ka sega sara ni bau kila koya vinaka.. NA LUVENA GONE NA TAMANA NA LUVENA QASE

6. NA WAWA(t. 20-21) Na wawa e tekivu ga mai na gauna e biubiu kina na luvena. Na tama ka waraka tiko na luvena me lesu mai e iyaloyalo makare taudua ni itovo ni Kalou. NA MARAU (t. 22-24) E marautaka na Kalou kei ira na agilosi na yalo kece e lesu yani vua. Na tamata veivutuni kece sara e vakasinaiti Lomalagi ena marau. YALI TU KA TAWA KILA(t. 25-32) E rawa li ni ko bula vata kei na Kalou, ia ka biuti Koya tale tiko ga vakatikitiki? E rawa li ni ko vakararavi vakalevu ena nomu bula dodonu ka sega ni ciqoma na loloma kei na dodonu ni Kalou vei iko kei ira tale eso? E rawa li ni ko cata vaka levu e so na tamata ivalavala ca ka ko sega ni vinakata na Kalou me vosoti Koya? E rawa li ni ko lako mai na Vale ni Kalou? Ka mai veitomani ena solevutaki ni tamata ivalavala ca sa veivutunitaka na nona cala? Curu mai, keimami sa waraki iko tiko. NA LUVENA GONE NA TAMA NA LUVENA QASE NA LUVENA GONE NA TAMA NA LUVENA QASE

7. Ciqoma tiko Guilecava tu na Kalou Buluti tu Sa vakatulewataki oti Ciqoma tiko na ca Vakararavi tiko vua na Kalou “Esa muri ira na nodra ivalavala.” (Vak. 14:13) Vakabulai tiko

8. “ Ena vosavakatautauvata ni tamata vutuniyau kei Lasarusa, e vakaraitaka kina o Karisito ni ena bula oqo, e nona ga na tamata na digidigi ni vanua e tini tawa mudu kina. Ena gauna ni tu vakawawa oqo, e soli tu na loloma tawa mudu ni Kalou kina vei yalo yadudua. Ia kevaka e calata na tamata ena vuku ni nona nanumi koya ga vakataki koya, e sa na tamusuki koya laivi mai ena bula tawa mudu. Ena sega ni qai soli tale na gauna ni sa oti na gauna ni veiwaraki. Era sa digitaka ga vakataki ira edua na toba levu ka tawa kosovi rawa ena kedra maliwa vata kei na Kalou.” E.G.W. (Christ’s Object Lessons, cp. 21, pg. 260)

9. E duri tu na dau kerekere ka mataboko ena matamata ni koro o Jeriko. E bula ga mai na kerekere. Na yalona e tagica na bula vaka yalo. Na mesaia ga – na luvei Tevita e rawa ni solia vua oya. E sega ni rogoci ira era vakatikolotaki koya tiko yani ni lako tiko mai o Jisu. E kaci ga yani ka kerea me rau sota kei Jisu. “O Ira kece era vakila na nodra gadrevi Jisu me vakataki Patimeo, ka ra yalo dina ka dei, era na taura na veivakalougatataki vakataki koya.” E.G.W. (Sons and Daughters of God, April 29) “A sa kaci ko koya, ka kaya, I Jisu, na Luve i Tevita, ni lomani au mai!’” (Luke 18:38)

10. “A sa tu cake ko Sakiusa, ka kaya vua na Turaga, Raica, Kemuni na Turaga, au sa waseruataka na noqui yau ka meu solia e dua na kena wase vei ira na dravudravua: ia kevaka kau sa kovea na nona ka e dua na tamata niu sa beitaka vakailasu, ena va na kenai sau kau na solia.’” (Luke 19:8) Na talanoa ruarua kei Patimeo kei Sakiusa e ivakaraitaki ni Nona a lako mai o Jisu me vakasaqarai ka vakabulai keda eda sa yali tu.” (Luke 19:10) “A sa kaya vua ko Jisu, Sa yaco edaidai na bula ki na vale oqo, ni sa luve i Eparaama ko koya talega oqo.’” (Luke 19:9)

11. “O dua dina li na dau ni veituberi ena vei ka vakalou? Ke vaka mo dua dina na dauniveituberi sa vakavoui na nona bula, o na rawai ira ka sega ni cemuri ira, era na kabiti iko mai ka o na sega ni ceburaki ira laivi na yalo kaya soli bula vei ira o Karisito. O na yadrava ka taqomaka na sipi kei na Lami ena loma ni bai nei Karisito. Ke ra sa sese, o na sega ni laiva mera rusa, ia ko na muri ira yani ka vakasaqarai ira mera bula na yali tu. E vakarau tu o Lomalagi taucoko me vukei iko ena cakacaka oqo. Era na vukei iko na agilosi ena nomu sasaga ena kena vakasaqarai na idola ni yalo dredre taudua. O na sotava na loloma talei kei na veivakaukauwataki mai vei Karisito, o koya ka na rawa ni vakarautaki iko mai na Nona vuabale sega ni vakarautaki rawa na kena levu. O sa na qai vakarautaki kina vaka vinaka mo dau ni veiqaravi vata kei na Kalou, duavata kei Karisito ena nomu sasaga ni nodra vakabulai na tamata ka na qai laurai na nomu cakacaka ni loloma sega ena vuravura ga oqo, ia e na veigauna ka tawa mudu. E.G.W. (Counsels on Sabbath School Work, cp. 6, pg. 175)