1. Lesoni 12 ni Tiseba 19, 2015

2. Eya lesi o Kitalaia me kovana e Jiuta.(Jeremaia 40:6-12). E vakamatei Kitalaia o Isimeli ka vesuki ira na kena von i kumukumu. (Jeremaia 40:13-41:10). E sereki ira na kena vo o Joenani ka qai kerei Jeremaia me taro vakasala mada vua na Kalou. (Jeremaia 41:11-42:6). E sauma na Kalou: Lesu ki Jiuta ka vakarorogo vei Papiloni. (Jeremaia 42:7-22). E bese ni vakarorogo vua na Kalou o Joenani ka mani gole vaka ki Ijipita. (Jeremaia 43:1-7). E parofisai tale e Iipita o Jeremaia (Jeremaia 43:8-13). Na vukitani kei na qaciqacia nei Jiuta. (Jeremaia 44).

3. “A sa lako yani ko Jeremaia vei Kitalaia na luve i Eaikami ki Misipa; ka sa tiko vata kaya kei ira na tamata era vo tiko e na vanua..” (Jeremaia 40:6)

4. “se vinaka, se ca ga, keimami na vakarorogo ki na vosa i Jiova na noda Kalou o koya keimami sa talai iko vua; me vinaka kina koi keimami ni keimami sa vakarorogo ki na vosa i Jiova na noda Kalou..” (Jeremaia 42:6) “a ra sa kaya vei Jeremaia na parofita, Me vinaka mada na neimami vakamamasu e matamu, ia mo masulaki keimami vei Jiova na nomu Kalou, io koi keimami kecega oqo sa vo tiko; (ni ko sa raici keimami ka lewe lailai sa vo vei ira na lewe vuqa:) ka me vakatakila vei keimami ko Jiova na nomu Kalou na sala me keimami lako kina, kei na ka me keimami cakava..’” (Jeremaia 42:2-3) Era sa nanuma na tamata mera sa vakarorogo vua na Kalou me vaka na nodra vakarorogo vua na Kalou na tamata ena nodra biuti Ijipita.(L/Yani24:7). “Kevaka eda ciqomi Karisito me noda iliuliu, ena liutaki keda vakavinaka o Koya. E sega ni dodonu me sese ena nona ilakolako na tamata valavala ca.” E.G.W. (God’s Amazing Grace, September 13) Na ka dredre vei ira na tamata oya me ra digitaka se me ra lako ki Ijipita se lesu ki Misipa. Era sa qai nanuma mera taroga na Kalou ena veivuke nei Jeremaia.

5. “E sa solia vei keda na kaukauwa ni digidigi na Kalou; sa tug a vei keda na kena vakayagataki vakavinaka. Eda na sega ni rawa ni veisautaka na yaloda, eda na sega ni vakatulewataka rawa na noda vakanananu, na noda ivukivuki se na veika e bibi vei keda. Eda sega ni rawa ni vakavinakataki keda, me veirauti kei na cakacaka ni Kalou. Ia eda rawa ni digitaka meda qarava na Kalou, eda rawa ni solia vua na noda vakatulewataka na ka; ena qai cakacakataka o koya e lomada meda digidigi ka cakava na Lomana me vaka n aka e taleitaka. Oya na gaunisala ena qai yaco kina me vakatulewa o Karisito ena lomada.” E.G.W. (The Ministry of Healing, cp. 11, pg. 176)

6. “Sa qai vosa ko Asaraia na luve i Osaia, kei Joenani na luve i Karea, kei ira na tamata viavialevu kecega, ka kaya vei Jeremaia, E lasu na ka ko sa vosataka: sa sega ni talai iko ko Jiova na noda Kalou me kaya, Dou kakua ni lako yani ki Ijipita me tiko vulagi ki kea.”’” (Jeremaia 43:2) Era sega ni dina ena nodra vakasaqara na veiliutaki ni Kalou, era namaka tiko me tokona na nodra inaki na Kalou – oya na ilakolako vaka ki Ijipita. Era tovolea mera tokona na vei ka e vakayacora ena nodra beitaki Jeremaia ni lasutaki ira, ka vakamuria tiko ga na veika e tukuna tiko o Peruki na nona vunivola. E sa sega ni yaga na ulubale ni ra sega ni via vakadodonutaki ira o ira na tamata ivalavala ca. Kevaka e sa sega ni sota na Vosa kei na vei ka era gadreva, e sa na kena ivakaraitaki ni ra sa sega tale ni qai rogoca. Ke vaka o vinakata me liutaki iko na Kalou, esa dodonu mo na rawa ni lakova na veivanua kece e kauti iko kina ka cakava n aka kece e vinakata me vakayacori.

7. “Mo taura e ligamu eso na vatu lelevu, ka la’ki, vunia e na tete e na lovo ni vatu-buli, mai nai curucuru ki na vale i Fero mai Tapanesi, e na matadra na kai Juta; 10 ka kaya vei ira, Sa kaya vakaoqo ko Jiova ni lewe vuqa, na nodra Kalou na Isireli;.” (Jeremaia 43:9) E vakayagataka na Kalou edua na vakatakilakila vou me rawa ni solia kina edua na tukutuku vei ira na tamata talai dredre. Ena sega ni maroroi ira na matanitu era lako kina. Era na qai valuti tale ena vanua oya.. E yaco na ivalu e Ijipita ena 568 BC. E tara na nona keba ni valu o Nepukanesa ena vanua eya vunitaka kina na vatu lelevu o Jeremaia. Na veimaroroi uasivi taudua e vuravura oqo sai koya na vakarorogo vua na Kalou. Sa iKoya taudua ga na sala vinaka e sega kina na ka veivakaleqai.

8. “Keimami na sega ni vakarorogo ki na vosa, ko sa mai tukuna vei keimami e na yaca i Jiova!” (Jeremaia 44:16) Era sa talaidredre ena Vosa ni Kalou e tukuna vei ira o Jeremaia. Era sega ni veivutunitaka na nodra cala ia era qaciqaciataka ga. Era tukuna ena nodra qaravi matakau me vaka na gauna ni veiliutaki nei Manasa, “ni keimami sa mamau kina e na kakana, ka bula vinaka, ia keimami sa sega ni raica kina na ka ca.”Jere 44:17). Me vaka ga ni ra sega ni sotava na kedra itotogi ena kena gauna dodonu, era sa nanuma ni sa mai yaco tiko na vei ka ca baleta ni ra sa sega tiko ni valavala ca.

9. “Na coqai ni veiliutaki kei na vuki tani e curuma tu na cagi eda ceguva. Eda na vakaleqai dina kina kevaka eda sega ni vakarubea na yaloda vakaloloma oqo vei Karisito..” E.G.W. (Lift Him Up, January 7)