2. Bible Illustrations have been used with permission from the Jungle Aviation and Radio facility Gospel Light Visual Media Services Audio Clips by Simeon Harry Working in conjunction with Michael Cordon of SIL.

3. Mak Sapta 1 Ai Go Spik Po Yupla Trustori

4. Dis stori i gudnius baut Zizas Krais Boi blo God. Diswan stat blo da stori.

5. Aizaia em i wan spesil mesisman blo God Em bin raite distok ya wea God i bin spik.

6. Bambai ai go sane man po teke nius blo mi po yupla. Ai go sane dat mesisman go pas bipo da BosLod go kam.

7. Dem tok em go spik i go meke da wei redi po da Lod wase man i meke rod redi po wagabaut.

8. Da man i go singaut lo prapa emptipleis po ol pipol. Yupla mas meke da wei redi po da Lod. Yupla meke at blo yupla redi po em.

9. Orait, so dat mesisman blo God i bin kam.

10. Neim blo em Zon. Zon bin go de wea prapa emptipleis.

11. Em i baptaiz ol man ane em i spik po dempla diskain.

12. Yupla mas libe ol dem nugudwei ane yupla mas baptaiz.

13. Sole God go pogibe yupla po ol dem nugudting yupla bin mekem.

14. ane em bin were leda belt ane em bin kaikai grasopa ane busani.

15. Zon i bin spik gen diskain Ai baptaiz yupla wea wata, bat dat man i go baptaiz yupla wea da Oli Spirit.

16. Da seimtaim nau Zizas i bin kam prom Nazaret, dat taun wea Galali. Wen Zizas bin kam po Zon em bin baptaiz Zizas de wea da Zordan Riba.

17. Wen Zizas bin kamaut prom da wata em bin luk go antap da skai i bin open ane da Oli Spirit i bin kamdaun lo em wase dab.

18. An em bin lisin bois blo God i bin tok po em diskain.

19. Em spik, `Yu prapa boi blo mi ane ai prapa wande yu.

20. Ai prapa api wanem yu mekem.

21. Stretwei nau da Oli Spirit bin meke Zizas po go po prapa emptipleis.

22. Zizas i bin de poti dei, ane Satana i bin trai po tempte em.

23. Den King Erod bin spik ol amiman blo em po kese Zon. So dempla bin kese em, putem insaid zeil.

24. Orait nadataim gen Zizas bin titse ol pipol lo da sanbis, klostu lo Leik Galali.

25. An em bin tok po dem pipol prom da bot.

26. Lisin ya yupla, I bin gad wanman, em i pama, em meke gadan.

27. Ane em bin sake plenti sid wea da gadan.

28. Sam sid bin poldaun wea busrod. Pizin bin kam ane kaikai da sid.

29. Sam dem nada sid bin poldaun wea stonigraun. Ol bin bas kuikwan.

30. Nada sid bin poldaun wea ol bainplant i bin krol, bat wen ol dem plant bin trai stat po gro dempla kan, bikoz dem bainplant bin skwize dempla.

32. Ane sam dem nada sid bin poldaun wea gudgraun

33. Ane ol bin sake plenti sid. Sam ed bin sake 30 sid, nada ed bin sake 60 sid. I stil gad mo ed sake 100 sid. Den Zizas i spik, Yupla lisin uda demwan i gad talinga ane yupla mas tingk nau.

35. Zizas Bin Pil Nadakain Sore Po Dempla

36. Wen i bin klostu po dak dem klostuman bin kam ane spik po Zizas.

37. Ei Masta, I stat po dak nau ane dis wan em i emptipleis.

38. No! Yupla gibe dempla kaikai. Zizas Bin Ansa Dempla Baigen

39. Ei yupla gad eni kaikai? Yupla go paindaut nau.

40. Mipla painde paib smolbred ane tu smolpis.

41. Nau Zizas bin spik po dem klostuman po spik ol dem pipol, po splitap po smolmob ane sidaun daun wea da gras.

42. Em bin luk go antap po eben. Em bin eso God po da kaikai.

43. Den em bin gibem po dem klostuman blo em po seremaut wea ebriwan.

44. Ebriwan bin kaikai ane ol bin belipul.

45. Dem leptoba kaikai ol bin pulemap tuelb-basket Wea dat seimtaim nau 5000 man bin kaikai.

46. Zizas em bin go emselp go antap dem il po prea. Zizas I Wagabaut Antap Wea Wata

47. Naittaim nau, Zizas em i stil antap wea da il. Dem klostuman blo em insaid da bot rait midil wea da leik.

48. Zizas bin luk dem klostuman blo em prapa adwok ol padel da bot gense da strong win ane big si.

49. So em i wagabaut go ausaid po da bot bat em bin kip wagabaut po pase dempla.

50. Dempla bin tingk em bin gos. Dempla bin ala prapa laudwan bikoz dempla nadakain akan.

51. Zizas i spik po dempla diskain, I orait, diswan mi Zizas, Yupla nomo prait.

52. Zizas em i wagabaut go ane zamp insaid da bot. Ane da win bin stap.

53. Bat dem klostuman blo em bin prapa atzamp po luk da rapsi ane strongwin go daun.

54. kut