Lesson 13 for June 27, 2015

“ka kaya, Tamaqu, kevaka ko ni sa vinakata, ni kauta tani vei au na bilo oqo: ia me kakua ni yaco na noqu lewa, me yaco ga na nomuni lewa. (Luke 22:42) Erau malumalumu ena veitemaki nei Setani o Atama kei Ivi mai na were ko Iteni. Erau digitaka me rau cakava ga na lomadrau ka sega ni loma ni Kalou. Na “ikarua ni Atama” (1Koro 15:45) e digitaka me vakayacora na lomani Tamana ena loma ni were o Kecesimani. E digitaka me vakanadakuya na veitemaki ni meca. E sa qaqa taucoko mai na valavala ca o Jisu ena vukuda. E rawata ga ena masu kei na vakararavi vakatabaki dua ena loma ni Kalou. E dodonu meda digitaka e rua na yaragi ni qaqa mai na veitemaki ena yaca i Jisu edaidai.

“ Na vuni noda dau sotava taudua tu ga kina na na veitemaki oya na noda sega ni dau biuta tu na Turaga me dau liu tu ga vei keda. Ena yali na noda itaqotaqomaki ena gauna e cavuka kina na keda isema vua na Kalou. Ena sega ni vukei keda meda qaqa mai na veitemaki na vei ka kece eda dau namaka se navunavucini kina. Sa dodonu meda turaga ka marama dau masu vaka levu. Me kua ni dau lailai se vaka gauna na noda kerekere, ia me dau bibi, titobu ka kua ni cavuka. E sega ni gadrevi meda cuva se tekiduru sara meda qai masu. Mo vakamatautaki iko kina veitalanoa vata kei na i Vakabula ena gauna o tiko taudua kina, taubale tiko se o osooso tu ena nomu cakacaka ena veisiga. Me laveti cake na yalo ena veigauna ena masuti lo tiko ni veivuke, rarama, kaukauwa kei na vuku. Me yaco mo masu ena nomu vei icegu yadua.” E.G.W. (The Ministry of Healing, cp. 43, pg. 510)

“Sa qai curu ko Setani ki na loma i Jutasa na yacana talega ko Isikarioti, a sa dua vei ira na lewe tinikarua.” (Luke 22:3)

“A sa vosavakacacataki koya e dua vei rau na tamata caka ca sa rube, ka kaya, Kevaka ko sa Karisito ko iko, vakabulai iko kei keirau talega. A sa vosa na kenai karua, ka vunauci koya, ka kaya, O sa sega beka ni rerevaka na Kalou, ni ko sa lewai mo mate vakakina?’” (Luke 23:39-40) E vakaraitaki ira e lewe vica o Luke ka ra digitaka na bula kei na mate ena ruku ni kauveilatai. Rai ki na kauveilatai, cava ena nomu idigidigi? 1. Matabose ni Vale ni Soro (Luke 22:52-54, Sa tu vei ira na vakadinadina ni o Jisu e Mesaia, ia era digitaka mera cakitaki Koya. 2.Pailate (Luke 23:1-7, 13-25) -E tu vua na vakadinadina ni sega na cala nei Jisu, ia e qai digitaka me vakararawataki Koya. 3. Na daubutako (Luke 26:39-43) - E vakila na nona Vakaloloma, ka digitaka me laiva na nona bula ena liga i Jisu.

“A ratou sa kunea ni sa vaqiqici tani na vatu mai nai bulubulu. 3 Ia ni ratou sa curu, eratou sa sega ni kunea na yago ni Turaga ko Jisu.” (Luke 24:2-3) Eratou kidroa na marama, ka mani kacivaka mai na agilosi, ‘sa tu cake tale’’ Luke 24 :6) Na cava na bibi ni tu cake tale ena Tuvatuva ni Veivakabulai ?  Sega na tu cake tale, sa sega na inuinui (1 Koro 15 :14).  Sega na tu cake tale, sega e tutaki keda ena mata ni Kalou (Iperiu 7 :25).  Sega na tu cake tale, sega na qaqa mai na mate ( 1 Koro 15:21). “Me ia na vakavinavinaka vua na Kalou, na Tama ni noda Turaga ko Jisu Karisito, o koya sa vakatuburi keda tale me noda nai nuinui bulabula me vaka na nona loloma levu ni sa tu cake tale mai na mate ko Jisu Karisito.” (1 Pita 1:3)

E vakaraitaka na vakadinadina bula ni tu cake tale o Jisu vei iratou na Nona tisaepeli ( e dovia na madrai, kania na ika, ka ratou tarai Koya.) E sega ni vinakata me yavutaki na nodratou vakabauta ena vei ka ga eratou lako curuma. E tuberi iratou kina vulici ni Vola Tabu. E qai kuria ka tusanaka vei iratou ‘‘ni sa kilikili kei koya na Karisito me vosota vakakina, me tu cake talega mai na mate e nai katolu ni siga; me vunautaki talega na veivutuni, kei na vakabokoci ni valavala ca, e na vuku ni yacana” (Luke 24:46-47) E semata na na tu cake tale kei na vunautaki ni kosipeli.