1. Exodus "Aaron le a fapa hna cu ka tlangbawi rian ṭ uan awk i nan thleidan hna tikah hitihin nan tuah lai. Cawtum no pakhat le tuukawng pahnih, do a tlami kha nan lak hna lai i 2thilnu phulh lo changreu le chiti he sermi thilnu cawh lo changhlum le chiti thuhmi thilnu cawh lo changper zong kha nan lak hna lai. Hi chang hi changvut dip in sermi an si lai. 3Bawm chungah nan khumh hna lai i cawtum le tuukawng kha nan thawi hna tikah a bawm ningin nan ka pek lai. 4"Aaron le a fapa hna kha pumhnak thlam innka ah khan nan ratpi hna lai i khika ah an i kholh lai.

2. 5Cun Aaron cu a puan kha na phoih lai i angki kha na hruk lai, cun tlangbawi angki khuhtu puanfual kha na aihter lai i tlangbawi angki kha na hrukter lai, cun ṭ angbenh kha aa benh lai i taisawm kha aa somh lai. 6Lupawng kha na ponh lai i Pathian sin pekmi a si hngalhnak hmelchunhnak thiang kha a lupawng ah cun na ṭ em chih lai. 7Cun thuh awk chiti kha na lak lai i a lu ah khan na toih lai i amah cu na thuh lai. 8"A fapale kha na ratpi hna lai, angki kha na aih hna lai i 9taisawm kha na somh hna lai; cun an lu ah luchin kha na chinh hna lai. Zungzal a hmunmi ka nawlbia ningin annih cu tlangbawi an si lai. Aaron le a fapa hna na thianter hna ning cu hi bangin a si lai.

3. 10"Cawtum kha pumhnak thlam hmaiah khan na ratpi lai i Aaron le a fapa hna nih khan a lu cungah an kut an chuan lai. 11Bawipa hmaika ah cun pumhnak thlam innka ah khan cawtum cu na thah lai. 12Cawtum thi cu tlawmpal in na kutdong in na tawh lai i biak ṭ heng ki ah khan na neh hna lai. Cun a taangmi a thi kha cu biak ṭ heng hram ah khan na thlet lai. 13Cun a chungthin a tuamtu thau kha na lak hna lai, a thin a tuamtu a thau tlang le a kal pahnih cu a tuamtu hna thau he khan na lak hna lai i biak ṭ heng cungah khan raithawinak caah na khangh hna lai. 14Asinain a sa le a phaw le a chungthin cu riahhmun lengah khan na khangh hna lai. Hi thawinak hi sual ngaihthiamnak thawinak a si.

4. 15"Tuukawng pakhat kha na lak lai i Aaron le a fapa hna nih khan a lu cungah an kut an chuan lai.16Nan thah lai i a thi cu biak ṭ heng velchum ah khan na thlet lai.17Tuukawng cu na can dih lai, a chungthin le a ke kha tiin na ṭ awl hna lai i cucu a sa dang na canmi hna he a lu cungah khan na chiah hna lai. 18Tuukawng cu a ning piin raithawinak caah biak ṭ heng cungah khan na khangh lai. Hi thawinak hi Bawipa ca i khanghmi thawinak a si; mei in khanghmi thawinak, Bawipa duhmi rimhmui thawinak a si. 19"Cun tuukawng a dang pakhat kha na lak lai i Aaron le a fapa hna nih khan a lu cungah an kut an chuan lai.

5. 20Na thah lai i a thi tlawmpal in na lak lai i Aaron le a fapa hna an orhlei hna cungah khan na neh hna lai, cun an orhlei kutpi le an orhlei kepi zongah khan na neh fawn hna lai. A taangmi thi cu biak ṭ heng velchum ah khan na thlet lai. 21Biak ṭ heng cung i a ummi thi le thuhnak chiti kha naa lak hna lai i Aaron le a thilpuan kha na theh hna lai, Aaron fapa hna le an thilpuan zong kha na theh fawn hna lai. Aaron le a fapa hna le an thilthuam hna cu, cuticun thianh an si lai. 22"Cun tuukawng kha a thau le a thaumi a mei le a chungthin tuamtu thau le a thin tuamtu thau tlang le a kal pahnih a tuamtu hna thau le a orhlei phei kha na lak hna lai, zeicahtiah hi tuukawng hi thleidannak ca i hmanmi tuukawng a si.

6. 23Bawipa hmaika i hunmi changreu bawm chung khan changreu hlum khat le chiti cawhmi changreu hlum khat le changper tlap khat in na lak hna lai. 24Hi rawl vialte hi Aaron le a fapa hna kut chungah khan na chiah hna lai i Bawipa sinah an pekchanh hna lai; an pekchanh hna tikah an kut in an hler hna lai.25Cun rawl cu an kut chung khan na lak hna lai i khangh thawinak cungah khan biak ṭ heng cungah na khangh hna lai. Cu ti na tuah cu Bawipa duhmi rim thaw um seh ti caah a si; cu thawinak cu Bawipa sinah pekmi thawinak mei in khanghmi thawinak a si. 26"Aaron thleidannak caah hmanmi tuukawng a i kha na lak lai i Bawipa sin pekchanhmi thawinak ah na kut in na hler lai. Cucu na covo a si lai.

7. 27Aaron le a fapa hna thleidannak caah hmanmi tuukawng chung khan, a i cu thawinak caah na pekchanh lai i tlangbawi hna caah chiahmi a phei zong kha na pekchanh lai. Na pekchanh tikah na kut in na hler hna lai. 28Zungzal a hmunmi ka nawlbia in hi sakhua hi Aaron le a fapa hna nih Israel mi hna sinin an hmuhmi a si lai. Israel mi nih hawikomhnak thawinak timi chungin an pekmi, tlangbawi hna sakhua i chiahpiakmi cu hihi a si; cu an pekchanhmi cu Bawipa sin i an pekmi an laksawng a si. 29"Aaron thilthuam thiang hna cu a fapale kha, a thih tikah pek chin an si lai i cu thuam thiang cun a fapale cu chiti toih le thleidan an si lai.

8. 30Aaron cu tlangbawi a sinak a rian a hun changtu a fapa nih khan, pumhnak thlam chung hmunthiang i rian ṭ uan awkah a luh tikah, cu thilthuam cu ni sarih chung aa hruk hna lai. 31"Thleidannak caah hmanmi tuukawng kha na lak lai i a sa cu hmun thiang ah khan na chuan lai. 32Pumhnak thlam innka ah khan Aaron le a fapa hna nih cun tuukawng sa le bawm chung changreu kha an ei hna lai. 33Thleidan an si lio le thianter an si lio caan i sual ngaihthiamnak caah hmanmi thil kha anmah nih cun an ei lai. Cu rawl cu rawl thiang a si caah tlangbawi lawnglawng nih khan an ei lai. 34Sa a cheu maw changreu a cheu maw zinglei tiang ei dih lomi a um ahcun, cucu khangh an si lai. A thiangmi thil an si caah ei an si lai lo.

9. 35"Aaron le a fapa hna caah hin kan chimhning bantukte in na tuah lai. An caah thleidannak na tuahmi hi ni sarih chung a si lai. 36Ni fate in sual thawinak caah cawtum pakhat lengmang na thawi lai, cucu sual ngaihthiamnak caah a si lai. Cu bantukin sual ngaihthiamnak ca thawinak na tuahmi nih cun biak ṭ heng cung khan sualnak cu a kalpi. Cun biak ṭ heng cu chiti na thuh lai i na thianter lai. 37Ni sarih chung kha biak ṭ heng caah cun sual ngaihthiamnak caah raithawinak na ser lengmang lai i biak ṭ heng cu na thianter lai. Cun biak ṭ heng cu a zarh ngaingaimi thil ah a cang lai i a tawngtu paoh kha thil zarh ah an cang ve lai.

10. 38"Biak ṭ heng cungah nan thawi awk thil cu hihi an si lai: nifate in, a zungzal in kum khat a timi tuufa pahnih kha nan thawi hna lai. 39Tuufa pakhat cu zinglei ah nan thawi lai i tuufa pakhat cu zanlei ah nan thawi lai.40Tuufa pakhatnak sinah cun changvut dip pawng hra, chiti pawng li he cawhmi kha nan thawi chih lai. Cun dinmi thawinak caah mitsur zu pawng li zong nan thawi chih fawn lai. 41Tuufa pahnihnak cu zanlei ah nan thawi lai i zinglei i nan thawimi bantuk khan ei awk thawimi le din awk thawinak kha nan pekchanh chih hna lai. Cun cu rim thaw, Bawipa sinah mei in khanghmi thawinak kha a si.

11. 42Hi khangh thawinak hi a zungzal in, nan tefa hna chan vialte tiangin pumhnak thlam innka ah, Bawipa ka hmaika ah, nan tuah zungzal awk a si lai. Hika hmun hi ka mi ka ton hnanak hmun le nan sinah bia ka chimnak hmun a si lai. 43Hika hmun ah hin ka mi Israel mi cu ka ton hna lai i cuka hmun cu ka sunparnak nih khan hmun zarh ah a canter lai.44Pumhnak thlam le biak ṭ heng kha thil zarh ah ka ser hna lai i Aaron le a fapa hna cu ka tlangbawi rian ṭ uan awkah ka thianter hna lai.45Israel mi hna lakah khan khua ka sa lai i keimah cu an Pathian ka si lai. 46Keimah cu Bawipa an Pathian, an sin um awkah Izipt ram in a chuahpitu hna ka si kha an hngalh lai. Keimah cu Bawipa an Pathian ka si.