1. www.cassano-addaonmymind.it

2. Al partess ala matina de bunura, cunt la sua ammiraglia a do root suta i ciapp, per fa una pedalada de cunservasion. Inbacuca d' invernu, balabiot d' esta, al partes nei valat bergamasch, al viagia in discesa e al fadiga in salida, per dimustra che la sua età l' è menga quela ch' el porta in gir.....quant ala sira al riva trafelà, per spiega quel ch' el la cumbinà, alura partès anca la benedision in di so riguard. Specialità alberghiera de cunsulasion... “tas paton, ta set sciupà, ta restet indree anca cunt i lumach” alura el coro del bar, al cumencia la canson “te ta set un scepa piat, fem una scumesa po vedum cusa ta set bon de fà” Al sin garbuia e al strafuia, por PASTINA, tocc a contra ghi à.....ariva l' alleansa pedalistica.... un olter ch'el cret de vess un Coppi del 2.000, alura la discussion la generalisa....apriti cielo. Al PASTINA l' è sempre quel, fil menga viagià cunt al pedibus, ma sulament so i do root. La prepusision articulada del pedal, la raconta l' infurmasion de tot al grop, le comiche finali del pedal, m' al PASTINA a l' è la solusion de tocc quej che pedalan, caratersitica casanesa, al Bartali dela confraternita di “PATON” a do root...un' olter che cunt la ciacera al vùla de sura ai do root, svirgulernt, sciabalent e sifulent, gris de cavej, al pretent de fa i muntagn cunt al fisik di vint' ann.... el duo furmalistik del pedal di “PATON”. Al divertiment de sente ste bagianat, al ve risolt ala fen cunt un “VERME”.... Al pedal ciclistik di “PATON” fiaba ridicula casanesa, cunt al persunacc puse impurtant de tocc....al “PASTINA. Parole di Giancarlo Corti 8-12-2015 - © - All rights reserved