1. Lesson 8 for November 21, 2015

2. Hezekiah sih a kipan Judah siatna ah hong kia ta hi. 1.Manasseh in tate thahna ngeina cihte a kipan a lipkhap huai mawhnate hong kizeelsak hi. 2.Manasseh kisik kik napi, mite in "Satan thusimte" na thei gai khin uh hi (Rev. 2:24). 3.Amon in ama gamtatna tawh Manasseh puahphatnate phiat kik hi. Thumann pan lampial pih kik hi.

3. “Tua siatna hun sungteng mah zong thuman leh Pasian teci kipang veve hi. Judah in buaina om lo in a kantan Hezekiah uk hun sungteng in tampite lungtang ah, thuakzawhna zia- le-tong te tun ahih leh khialhna tunga gualzawhna langkhat ah mun muanhuai in pang uh hi. Thumann leh dikna ai-awh in amau tecipannate in Manasseh leh thuneihna ah apawlte ahi vaunate a simtham in awlmawh lohna tawh amau ngiat siatna abawl nuamte, hehna khangsak uh hi … Kamsangte in citak takin vauna leh tawtnate hong zom veve uh a; lau lo takin Manasseh leh a mite kiangah gen uh hi; ahi zong amau thugente kisaang lo in Judah kikleh nuam lo hi. Manasseh ii alauhuai lampialna pan sap kikna gal khat ah a nuntakna adiah khat in ama tapa ahi hi… Kumpi gilopa sau vei a uk ding kiphal lo hi. Ama mawh gamtatna kawmkal ah, kumpi tokhom aluah hun pan kum nih sung bek in, a kumpi inn sungah ama nasemte in na that uh hi.” E.G.W. (Prophets and Kings, cp. 32, pg. 381-383)

4. “Tua ciangin gammite in Kumpi Amon langa a sawmsim khempeuh that uh a, ama munah a tapa Josiah kumpi in a koih uh hi.” (2 Chronicles 33:25) Amon in ngongtatna khaici tuh in, tua mah at kik hi. Amah athat te in zong thuhkikna ngah uh hi. Mipite sepkhiat kumpipa thahna in "democracy" nam sungah kihel lo a, alipkhap huai mithahna ahi hi. Amaute in kum 8 apha pasalno pa kumpi lukhu khu sak uh a, siatnate na dal zo uh hi. Tua siatna bang hangin Pasian in khawlsak lo hiam cih mi tampite in lamdangsa uh hi. Kamsang Habakkuk in tua pawl ii a kiza thei awging ahi hi. Pasian in khangno Josiah' lungtang na lawng khin hi.

5. “Ama uk a kum giatna, a khangmoi lai mah in a pa David Pasian zon ding a kipanpah hi. A kum sawm leh nihna sungin Judah le Jerusalem a munsangte, Asherah khuamte, a kikhuak milimte le a kisung limte siaksiang ding a kipan hi.” (2 Chronicles 34:3) Josiah kum 16 aphak in Pasian na zong hi. Kum 20 aphak ciangin kha khanlawhna le kipuah phat nasep kipan hi. Tua zawh kum 6 khit teh, Pasian biakinn - Judah te biakpiakna lungtang, puahphat ding ngimbel in nei hi. Puahphat nasep madawk hi. Gentehna in, biakinn alam mite nasep citak mahmah uh hi: “Amaute in muanhuaitakin na sem uh ahi manin amau tunga ki- ap sumte sazian neih a kul kei hi.” (2 Kumpite 22:7).

6. “Tua ciangin thuvanpipa Shaphan in kumpipa kiangah, “Siampi Hilkiah in kei laibu khat hong pia hi,” ci-in a theisak hi. Tuateh Shaphan in kumpipa omin a sim hi. Kumpipa in Thukham Laibu sunga thute a zak ciangin a puante a balkek hi” (2 Kings 22:10-11) Puahphat maan in apua tham kikhelna ahi milim satzanna, biakinn puahphatna leh adang sunglam kikhelna cihte sangin saang zaw hi. A thuk zaw leh a kipsuak kikhelnate'n hong zui dinga, Laisiangtho tawphah den ding hi. Josiah in biakinn ah “thukham laibu” amuh ciangin, tua nakpi takin amah sukha hi. Amaute mawhnate hanga a nunungpen athuak dingte thei hi. Judah kisiatna ding pan koici peel ding cih Pasian kiangah adong dingin mi pawlkhat kamsangnu Huldah kiangah paisak hi (2 Kings 22:13-20).

7. “Khuampi gei-ah kumpipa dinga, TOPA omin thukhun thaksuaksak a – TOPA le a thupiakte, zuih ding ngeinate le thukipte, a lungsim khempeuh a hinna khempeuh in zui-a tua bangin hih laibu sunga kigelh thukhun-a thute a kipsak hi. Tua ciangin mite khempeuh thukhun ah a kiciam uh hi.” (2 Kings 23:3) Judah in pelh theihloh in kisia ding cih Pasian in gen hi, tua ahih leh khanlawhna leh kipuah phatna sep theih ding aom lai diam? Tua in Josiah ii dotna ahi hi. Huldah’ dawnna in tuni dong nungta lai hi; mihingte'n bel thukhenna thuak ding hi, ahi zong ei mimal khat ciat in gupkhiatna ki saang thei hi. Tua ahih manin, Josiah in agam sunga mi tampite gupna asan theih nangin panpih theih panpih ding khentat hi.

8. Josiah hong puak puah- phatna in koici bangte hiam? (2 Kumpite 23:4-24) “Josiah nung le ama ma ah amah tawh kibangin TOPA lamah kihei a – Moses thukham tawh kituakin a lungsim khempeuh, a hinna khempeuh le a hatna khempeuh tawh na a sem kumpi dang khat beek a om kei hi.” (2 Kumpite 23:25) Milim biakna van tuamtuamte biakinn pan la khia hi. Mun sangnate pan milim bia siampite hemkhia hi. Biakinn sung panin Asherah milimte la khia hi. Biakinn sunga a kilamtawm ngeina buk/tau te susia hi. Mun sangnate leh khua sung kongkhak a taute susia in sat zan hi. Tophet zong susia hi, tua manin Molech ah kuamah in a tapa tawh biakpiakna bawl thei lo hi. Ni biakna dinga kibawl lengte leh sakolte hem khia hi. Biakinn sunga dawi (pasian) biakna taute su zan hi. Asherah lim leh milimpite su zan hi. Bethel aa kham bawng lim zong susia hi.. Dawi (pasian) siampite that hi. Pasian pawi kham hi.

9. “‘Topa in kong cih in-ah,’ cih Thukham laibu asim pa dingin Josiah in a ngah theih zalianpen pa in kituat aa... Israel kumpite nasep sangpen, siavuante, ih sangsiate, Pasian nasemte leh Pasian nasepna kipawlnate aa panmun neite in amau tunga om mawhpuakte azawh ding, mun hoihna a kikhen sikpim bangin mite lungsim sungah Pasian' thubute kihen nading 'Pasian kihtakna in pilna kipatna hi' cih thumann lahkhiatna ding Pasian' piak talent te azat khiat ding uh hi hi. Ahang in Israel makaite in amau kim ah thukham laibute theihna akhan sak nang un kha lam damna thu agen khiat ding uh ahi hi; ahang in Pasian' kammal in nuntakna singkung tehte ahi hi.” SDA Bible Commentary, vol. 2. Ellen G. White notes on 2 Kings 23:2