1. Nozibele and the Three Hairs Candiru pi dri`bi ifi na `diyi be Lugbarati version of this folktale by Dorothy Fettaru Illustrated by Wiehan de Jager

2. Ndra drio, ezoanzi na mu eja owuria. 2

3. Avi azini saa yi. 3

4. Coti yi ega kini angu bi`bo. 4

5. Ka mu eca aku tia inyia `ba, candiru `ba dri ima ombea. Ku I vile nyoro ombea ri `dale. “kirikiri ada nga mani dri vile `dale!” `Ba matu `i`ma agyipi yi vu. Te eri ma agyipi kini saa di vile. 5

6. Candiru nga di dri da vile yia `dale a`dule. Esu `I vile nyoro ombelea ri ra dika ariru emvizu akua. Te avi angu biza ma alia `dale ra. 6

7. Ne diza jo azini ma alia engazu re `dani. Ariru vunia `dale `dika kpo jotile. 7

8. Osu nezu kini oco azini zi jotile ni dika `y`o, “ afa mini le ri a`du afa ni?” “Ma avi avi dika ale ta mani pari lazu, candiru omvi” Miefi joa akazu mi ci zu ku,” oco nderi nga `yo Candiru ngadi fi joa. 8

9. Oco nga coti `yo, “mi a`di mani nyaka” Te ma a`dini nga oku drio nyaka oco ni ku `di,? Omvi. “mi a`di akazu mi cizu ku!”oco `yo. Candiru ngadi nyaka a`di oco nderi dri ra. 9

10. Coti oco kini, “mi ede ma vile gbolo dri” Candiru kini, “ma ede nga te oku drio gbolo dri oco ni ku `di.” “Mi ede gbolo `di `i kaniku ma mi ci ra!” Candiru ngadi gbolo dri edera. 10

11. “mi emu di o`du ko ma be!” oco kini. “ako ni nga oku drio o`du oco be ku,” candiru `yo. “mi emu o`du ko mabe kaniku ma mi ci ra!” oco kini. Candiru nga o`du ko oco be ra. 11

12. Ri nyaka a`di, angu we azini afa yi oji oco dri o`du dria. O`du azini alu, oco nga `yo, “Candiru, ma andru mu ma agyipi azini yi vu omu ru. I we jo ale, mi a`di nyaka,dika mi oji afa yi de nga po`di ma ecani ku.” 12

13. Oco ka mu dri ko mu tapu, Candiru enze dri`bi ima dria na. `Ba dri`bi alu ri gbolo etia, aluri jotile ngukua, `ba di alu ri ti licoa. Apa di ra. 13

14. Oco ka mu emvi `bo, e`do candiru ni nda. Candiru, mi ngua ya?” ma gbolo etia `do`i,” dri`bi aluri `yo. “ma jotile etia `do,” dri`bi irizuri kini. “ma ti licoa `do”dri`bi na zu ri `yo. 14

15. Oco ni di coti ra kini candiru ole `I `bo. Ngadi nzu azini nzu kpere enyati `da ma alia `dale. Te Candiru ma adripi yi ri eri te abe be. Oco ojati apara dika kpere andru `ba ne ni di nga eri dika ku. 15

16. This work is licensed under a Creative Commons Attribution (CC-BY) Version 3.0 Unported Licence Disclaimer: You are free to download, copy, translate or adapt this story and use the illustrations as long as you attribute or credit the original author/s and illustrator/s. Writer: Illustrations: Translated by: Date of Publication: Nozibele and the Three Hairs Candiru pi dri`bi efi na `diyi be Adapted from a Xhosa folktale Wiehan de Jager This version in Lugbarati by Dorothy Fettaru © African Storybook Initiative 2013