Sinna 13, September 27, 2014 ni ading

Tuma kum 2000 pawl in Topa zeisu in hong pai kik ding vai kamciam hong pia hi. Tu hun ciang in Hong kumkikna tawh kisai dotna tampi ih dawn ding om hi: Tuma kum 2000 pawl in Topa zeisu in hong pai kik ding vai kamciam hong pia hi. Tu hun ciang in Hong kumkikna tawh kisai dotna tampi ih dawn ding om hi:

“Ama tungtawna kamciamte khempeuh adik hia, eite tungtawna Ama vangliatna kilat nading ahihi.” (2 Corinthians 1:20)

Pasian in Israelte tunga A kamciam khempeuh kem hi. Jos. 21:45; 1K. 8:56. Mi banga hongpian na ding kamciam kem hi. Psalm 40:7; Heb. 10:5-7. Zeisu in Jairus tanu A hinsak kik ding kamciam kem hi. Luke 8:50; Luke 8: Hankhuk pan thokik ding cih kamcia zong pia hi. Mat. 16:21; Mat. 28:5-6. Kha Siangto’ ompih ding vai kamciam pia hi. Acts 1:8; Acts 2:4. Kong pai kik ding hi cih kamciam pia a … hong paikik takpi ding hi!

“Mihing tapa in Apa vangliatna leh vantungmite tawh hong pai dinga amau sepna tawh kituak in thamanh pia ciat ding hi.” (Matthew 16:27) Nihveina kumkikna in ngimna thum neia: 1.Thumann banga sem ding. Matthew 16:27. 2.A sisa misiangte phong kik ding. 1 Thes 4:16. 3.Tatsate Zeisu tawh nungta tawntung dingin kaikhawm ding. 1 Thessalonians 4:17.

Thakhatthu in, “khuaphelep tang bangin.” (Mt. 24:27) “Zanlai guta bangin” gitneihloh laitak in (1Ts. 5:2) Muhtheih in, “Mittang khempeuh in mu ding hi.” (Rev. 1:7) Gingtakin, “Vantungmi mangpa’ kikona leh Pasian’ pengkull aw tawh” (1Ts. 4:16) “Vantung mite khempeuh tawh.” (Mt. 25:31) Kumpi vangliatna tawh “ KUMPITE’ KUMPI TOPA TE’ TOPA ” bangin (Rev. 19:16) Vangliantakin, “misite asia thei nawnlo dingin kithokik sak dinga, ih kikhel ding hi..” (1Co. 15:52)

“Tua ni leh hun kuamanh theilo a, vantungmite in zong theiloa, Pa khat bek in thei hi.” (Matthew 24:36) Zeisu in hongpai ni ding genlo hi. Ama hong paima a apiang ding thute hong gen hi. Matthew 24, Mark 13 leh Luke 21 en in.  Messiah zuautheite.  Gal leh galvai savaite.  Natna satnate, kialpite leh zinlinnate.  Mi siangthote bawlsiatna.  Kamsang zuautheite.  Tatsiatna.  Itna vengg.  Lungdamna thu leitung khempeuh kizeel.  Ni leh kha te mial.  Aksite kia.  Mihing Tapa limm hong kilangh.

Zeisu in A nungzuite atheihsak nop athupipen thu in Ahongpai ding hun hongnai zo hi cih thu ahihi. A taktak in, kumkikna pen ih sih khit cianga thupiang hia, bang tanven sawt taleh ih muh ih theih ding in thawhkikna ahihi. Mite adingin Ama hongpaina in ih sih khit lim bang hong suak hi.

“Ama hongpai ding ni leh hun kuamanh theilo ih hih manin Kigingsa in om un.” (Matthew 25:13) Kisiikna leh mawhnate Zeisu kianga thuumna tawh, eitanga singlamteh tunga hong sihna thu ih upna thaksuaksak in, ih deihnate Ama tung ah ih app vek ding hi. Amah tawh kalsuan khawm in, Ama dikna puan tawh hongkhuhna ah lungdam in ih tualbual ding hi. Ei koici kigin mak ding? Zeisu in kiginkholh ding vai gen hamtang a, “A tawp donga athuakzote in hotkhiatna ngah ding uh hi.” (Matthew 24:13) Ei koici kigin mawk ding?

“Ih Topa meii tunga hong kum ni ding ahun lian ih thei keia- kigingsa a ngakna tawh ih suahtak theih ding lam hong gen hi. Hun bangzah nei lai ding himah leng, tuni a ih vaite ah muanhuai takin ih om ding hi. Nisim in ih nitawpnani ding bangin muanhuai-takin ih masuante ah mapang in maa ih hial ding hi.” E.G.W. (Amah ka theih nangin, That I may know Him, December 18)