Divorce and Remarriage Matv^taai 19:3-9 Matthew 19:3-9 Date: February 7, 2010

3 Maaih deix Faa^li^si Mienh daaih seix Yesu ziouc naaic, "Maiv gunv nqox weic haaix nyungc gorn-baengx leih ninh nyei auv, se horpc mbuo nyei leiz fai?" 4 Yesu dau, "Meih mbuo maiv doqc jiex naaiv douc Ging-Sou fai? 'Zinh ndaangc Tin-Hungh zeix lungh zeix ndau wuov zanc, ninh zeix cuotv mienh daaih benx m'jangc m'sieqv.'

5 Tin-Hungh yaac gorngv, 'Weic naaiv m'jangc dorn dorng jaa, leih ninh nyei diex maac, caux ninh nyei auv gapv jienv. I dauh ziouc benx yietc norm sin mi'aqv. 6 Hnangv naaic ninh mbuo maiv zeiz i dauh aqv. Benx yietc dauh hnangv. Weic naaiv, Tin-Hungh gapv daaih nyei cai-doix, mienh maiv dungx caeqv nqoi." 7 Faa^li^si Mienh aengx naaic Yesu, "Wuov nyungc, Mose weic haaix diuc mbuox nqox bun zeiv leih cai sou ninh nyei auv ziouc heuc auv mingh aqv?"

8 Yesu dau, "Se laaix meih mbuo hnyouv ngaengc haic Mose cingx daaih bun meih mbuo haih leih duqv meih mbuo nyei auv. Mv baac zinh ndaangc, zeix lungh zeix ndau wuov zanc, maiv zeiz hnangv naaic. 9 Yie mbuox meih mbuo, haaix dauh leih ninh nyei auv, yaac maiv zeiz laaix ninh nyei auv hienx nqox nor, aengx mingh longc siang-auv, ninh se hienx auv hnangv."

Biux Mengh waac: Tin-Hungh bun leiz mienh leih auv leih nqox nyei fai? Se gorngv bun nyei nor, wuov nyungc ninh aengx bun mienh dorng da’nyeic torngx jaa nyei fai? Wuov nyungc mienh dorng jaa liuz aqv, kungx mingh hienx auv hienx nqox hnangv ni? Fai sienx Yesu nyei mienh caux maiv sienx nyei mienh dorng jaa daaih maiv sienx wuov dauh oix guangc doic ni? Giduc Mienh nyei jiu baang mienh gox caux fin-saeng buangh ziex nyungc la’nyauv nyei sic yiem naaiv jauv. Ih hnoi mbuo oix mangc gaax Ging-Sou hnangv haaix nor dau taux naaiv deix la’nyauv nyei sic. Zien sic nor, leih cai-doix nyei jauv, mienh camv nzaeng jiex daaih duqv ziex cin hnyaangx aqv, corc gorngv taux ih zanc yaac mengh baeqc. Mv baac yie nyei mauv se hnamv jienv oix bun Ging-Sou ganh porv mengh bun mbuo hnangv haaix nor haih zoux duqv horpc.

I. Haaix Dauh Liepc Dorng Jaa Jauv? 1. Tin Deic Douh 2:18 “Ziouv Tin-Hungh gorngv, “Nduqc laanh mienh ganh yiem hnangv se maiv horpc, Yie oix zeix dauh daaih mbienz ninh, caux ninh zoux doic, tengx ninh.” 2. Tin Deic Douh 2:24 “Hnangv naaic m’jangc dorn oix zuqc leih ninh nyei diex maac mingh caux ninh nyei auv gapv jienv benx yietc norm sin.” 3. Tin Deic Douh 1:28a “ Tin-Hungh yaac buang waac gorngv, “Meih mbuo oix zuqc maaih fu’jueiv hiaangx daaih buangv lungh ndiev.”

II. Tin-Hungh A’hneiv Mienh Leih Cai-Doix Nyei Fai? 1. Maa^laa^ki 2:16 “ZIOUV, I^saa^laa^en nyei Tin-Hungh, gorngv, "Yie nzorng haic leih cai-doix nyei sic, yaac nzorng mienh zeix ganh nyei auv." Nernh Jiex nyei ZIOUV hnangv naaiv nor gorngv. "Weic naaiv meih mbuo oix zuqc faix fim, gunv jienv meih mbuo nyei hnyouv. Maiv dungx zoux maiv ziepc zuoqv nyei sic. 2. Nzamc Leiz-Latc 24:1-4, gorngv taux bun leih cai sou nyei jauv se, maaih I nyungc jauv, maaih nyungc, se auv maiv ziangh horngh, maaih nyungc se mienh hnyouv ngaengc laanh maiv laengz longc laanh. 3. Matv^taai 19: 8 Yesu dau, "Se laaix meih mbuo hnyouv ngaengc haic Mose cingx daaih bun meih mbuo haih leih duqv meih mbuo nyei auv. Mv baac zinh ndaangc, zeix lungh zeix ndau wuov zanc, maiv zeiz hnangv naaic.

III. Leih Liuz Aengx Dorng Jaa Duqv Nyei Fai? 1. 1 Ko^lin^to 7:10-11 “Ziouv hatc nyei waac. Auv maiv dungx leih guangc nqox. Mv baac se gorngv leih nor, ninh oix zuqc daan sin yiem. Maiv zei aeqv, oix zuqc aengx longc loz-nqox. Nqox yaac maiv dungx leih guangc ninh nyei auv.” 2. 1 Ko^lin^to 7:39 “Se gorngv nqox corc ziangh jienv nyei ziangh hoc, auv maaih dorng jaa nyei leiz ndoh jienv. Mv baac nqox daic mi'aqv nor, auv maiv zuqc dorng jaa nyei leiz ndoh aqv. Sueih binc longc haaix dauh zoux nqox yaac duqv, da'faanh sienx Ziouv nyei mienh hnangv.

Outline Matv^taai 19:3-9 1.Verse 3 – Faa^li^si Mienh Seix Yesu 3 Maaih deix Faa^li^si Mienh daaih seix Yesu ziouc naaic, "Maiv gunv nqox weic haaix nyungc gorn-baengx leih ninh nyei auv, se horpc mbuo nyei leiz fai?" 1.Verse 4-6 – Yesu Dau Nyei Waac Tin Deic Douh 2:24 Zinh ndaangc zeix daaih wuov zanc maiv hnangv naaic. Mienh leih auv leih nqox nyei jauv se weic hienx nyei sic hnangv.

Outline Matv^taai 19:3-9 3.Verse 7 – Faa^li^si Mienh Jaev Sin Nyei Waac Nzamc Leiz-Latc 24:1ff. Ninh gorngv wuov nyungc Mose yoc heuc Nqox bun leih cai sou ninh nyei auv, heuc ninh Mingh? 4.Verse 8 – Yesu Dau Mose bun leiz mienh leih auv, se weic laaix mienh nyei hnyouv ngaengc haic, wuov deix mienh yiem I^yipv cuotv daaih se waaic haic (Cuotv I^yipv 32:7-9; Nzamc Leiz-Latc 1:35; 32:5, 20; lo haaix.) Hnyouv (Gong-Zoh 17:30; e.g., Ho^se^yaa 13:9-11) “Zinh ndaangc jiex gorn wuov zanc se maiv zeiz hnangv naaic” (cf. v.4) Yesu maiv njaaux taux Nzamc Leiz-Latc 24 nyei jauv (cf. Matv^taai 5:31, 32)! Yesu njaaux taux zinh ndaangc Nzamc Leiz-Latc 24 nyei jauv.

Outline Matv^taai 19: Verse 9 – Ziouv dau nyei waac “Yie mbuox meih mbuo, haaix dauh leih ninh nyei auv, yaac maiv zeiz laaix ninh nyei auv hienx nqox nor, aengx mingh longc siang-auv, ninh se hienx auv hnangv."

Divorce & Remarriage Different Laws Mose Nyei Leiz-Latc “Gorngv …” (Matv^taai 5:31) Yesu Nyei Leiz-Latc “Mv baac yie mbuox meih mbuo” (Matt. 5:32) Hienx auv hienx nqox leih se weic daic (Nzamc Leiz-Latc 22:22) Hienx auv hienx nqox haih leih duqv nyei jauv se weic benx laih hlopv nyei sic (Nzamc Leiz-Latc 24:1) Guangc liuz nqa’haav aengx longc (Nzamc Leiz-Latc 24:1, 2) Haaix dauh aengx longc naaiv dauh auv maiv fungx benx hienx auv (Nzamc Leiz-Latc 24:3) Da’yietv dauh maiv horpc aengx ninh nzuonx se gorngv ninh aengx longc jiex ganh dauh nqox (Deut. 24:4) Leih doic nyei jauv se weic maaih hienx nyei jauv (Matt. 19:9) Kungx weic hienx auv hienx nqox nyei jauv (Matt. 19:9) Se gorngv maiv zeiz auv hienx nqox nor, leih liuz maiv dungx aengx longc ganh dauh, se gorngv longc nor meih se benx hienx auv nyei mienh aqv (Lugaa 16:18; Maako 10:12; Lomaa 7:3a) Haaix dauh longc naaiv dauh auv- leih se benx hienx auv nyei mienh (Lugaa 16:15; Matv^taai 5:31, 32) Da’yietv dauh nqox leih guangc liuz naaic auv, aengx longc jiex ganh dauh nqa’haav ninh maiv haih aengx longc nzunc wuov dauh auv aqv.

Maiv maaih ganh diuc jauv bun mienh haih leih auv leih nqox duqv. CUOTV LIUZ maaih dauh mienh hienx fai zoux maiv cing-nzengc nyei jauv. Matv^taai 5:32 caux Matv^taai 19:9. NO EXCEPTION for divorce and remarriage today! Matthew 5:32 and 19:9 are the only passages in all the New Testament that reveal the exception of fornication!

 Matv^taai 19:9 caux 5:32 se Yesu Njaaux Nyei Gorn-Ndoqv.  Naaiv mbuo horpc njaaux, yaac goux jienv, aengx caux muangx.  Haaix dauh doix-deckc deix njaaux nyei waac mbuo ninh mbo ganh zuqc naaiv deix njaaux nyei waac doix-deck (2 Yo^han 9-11)  Njaaux jaav leiz nyei mienh maaih jauv oix nduov mienh zoux dorngc “Oix zuqc faix fim taux njaaux jaav leiz nyei zoux nyei sic” (Matv^taai 7:15) “Ninh mbuo hnangv nzaatv jienv liuc nyei janx-daic zoh nor” (Matv^taai 23:27)  “Leih auv leih nqox nyei mienh se maaih hienx hnyouv mueic jieqv oix hienx ganh mienh nyei auv nqox nyei mienh.  “Maaih nyungc mienh camv haic maiv oix muangx zien leiz, ziouc mienh daaih njaaux puix ninh m’normh oix muangx nyei jauv hnangv” (2 Tim. 4:3)  Maiv maaih haaix dauh haih biaux duqv ndorqv maiv zuqc Tin-Hungh siemv nyei jauv” (Hipv^lu 13:4) Oix Zuqc Faix - Be Aware

Nzamc Leiz-Latc 24:1-4 & Matv^taai 19:9 ( NOT THE SAME LAW ) Nzamc Leiz-Latc 24: Dorng Jaa liuz aqv, yiem maiv “cing-nzengc” (Nqox hiuv duqv ziouc fiev leih cai sou bun jienv ninh, ziouc heuc ninh mingh aqv. Wuov dauh m’sieqv dorn cuotv aengx mingh longc ganh dauh nqox, wuov dauh nqox yaac buatc ninh maiv ziangh horngh, ninh ziouc aengx fiev leih cai sou bun jienv heuc Ninh mingh aqv. Daauh dauh nqox maiv haih aengx longc ninh nzuonx, weic zuqc ninh maiv cing-nzengc. Matv^taai 19: Dorng Jaa nyei mienh haaix dauh leih ninh nyei auv fai nqox, wuov dauh se benx hienx auv, hienx nqox nyei mienh. (cf. Rom. 7:3a; Mt. 5:32; Mk. 10:11; Lk. 16:18). Haaix longc wuov dauh auv leih fai nqox leih, ninh se zoux hienx nqox hienx auv nyei mienh.

Setv Mueiz Waac. EXCEPTION for Divorce 1 Ko^lin^to 7:15 “Maiv gunv auv fai nqox, se gorngv maiv sienx Yesu wuov dauh oix leih sienx nyei wuov dauh, sueih ninh mingh aqv. Buangh zuqc naaiv nyungc sic nor aeqv, sienx Yesu wuov dauh auv fai nqox ziouc maiv zuqc aapv ganh diev jienv yiem, weic zuqc Tin-Hungh heuc mbuo baengh orn nyei yiem.” 2. E^saa^laa 10:1-44, Maiv muangx waac nyei I^saa^laa^en Mienh dongh longc ganh fingx mienh zoux auv wuov deix oix Zuqc guangc ninh mbuo nyei auv caux ninh mbuo nyei fu’jueiv. 3. Nzamc Leiz-Latc 24:1, Auv fai nqox mingh hienx ganh dauh zoux maiv cing-nzengc nyei sic, zoux bun dongh yiem longx nyanc longx wuov dauh maiv maaih orn-lorqc (Matv^taai 19:9;5:32).