Lesson 12 for September 19, 2015

Ngeina bulphuh: Jews leh Gentiles. Tehkak: Tai kidemte leh galkapte. Pasian’ thukham. Sihna leh thawhkikna. Paul’ nasep pihte. Paul in a tuah khak minam tuamtuamte kiangah ama thupuak hong hawm khia hi. Eite’n zong tua a tawntung gospel thu mah ngeina kibanglo, minam leh biakna kibat pihlote kiangah koici hilh ding ie hiam? Leitung bup thumann hilh hi: Sem khawm: A thuhilh dan nam tampi zang hi:

“Jew-te in lim lamdang ngen uh a, Greek-te in pilna a zong uh hi.” (1 Corinthians 1:22) “Jew-te in lim lamdang ngen uh a, Greek-te in pilna a zong uh hi.” (1 Corinthians 1:22) JEWS Kisap Moses in Egypt ah abawl bangin amaute in Kamsang mann ahih leh lim leh nalamdangte lak ding ci uh hi (John 6:30). Thupuak Aman Israel te tangthu gen hi. Jesu pen David suan ahihna leh Ama nalamdang bawlna, a sihna leh athawhkiknate gen hi. GENTILES Kisap Amaute in a up theih nangun ahih theih nading (teci) bulkip deih uh hi. Thupuak Aman amau laigelhte mah zang in Pasian pen Piangsakpa, Huhpa leh Thukhenpa ahihna lak hi. Tua khitteh Jesu hong Tanpa hi ci in gen hi.

“Tai kidemna ah a taite khempeuh tai uh a, ahi hangin khat bek in pahtakman a san lam thei lo na hi uh hiam? Pahtakman na san theih nading lam lamun tai un. Kidemna-a kihel dingte peuhmah nakpitakin a kisin uh hi. Amaute a kisia thei lukhu ngah dingin a kidem uh hi. Ahi hangin eite in a kisia thei lo ding lukhu ngah dingin i kidem hi.” (1 Corinthians 9:24-25) Paul in atawntung thumann hilhna ah atelpen ding gentehna tawh na hilh hi.  Tai kidemna ah gualzawhna thaman sangin ding tai uh hi. Tua mah bangin thu-umte zong tawntung nuntakna ih ngah nadingin nuntak khiat ding kisam hi.  Kidemna ah kihel dingte in lukhu a ngah nading un khauh takin kipum ki-uk uh hi. Thu-umte zong lukhu a ngah nadingin Pasian deih banga nuntak ding ahi hi.

Rome galkapte Roman Empire sungah kiheh thang uh hi. Paul in hih omzia thu-um mite etteh dingin zang hi.  Galkap khat ciat in thuak ding leh galkap alut sak thuneite’ sawlna man ding ut uh hi. Thu- um mite zong Pasian sila citak te suak in, A gam sung hong lut sak Jesuh ih lungdamsak ding ahi hi.  Paul in Christian galdo nadingin galkapte vanzat-te mah gentehna in hong zang hi. Ephesians 6:10-18: upna, thutangna, thuman thutak …

“Tua hileh hih upna tawh eite in thukham guaksuaksak i hi hiam? A hi peuhmah kei hi! Tua hi lo zaw in eite in thukham i kipsak hi.” (Romans 3:31 NIV) Paul in “thukham” cih laimal a laikhakte sungah tam veipi na zang hi. Gtn, “Pasian thukham”, “Moses thukham” (1Co. 9:9) leh “mawhna thukham” (Ro. 7:25). Khat veivei amah leh amah a kinial tawh kibang liang hi: Amah’n “thukham nuai ah” (1Co. 9:21) ka om, ahi zong “thukham pan ka suak ta.” (Rom. 7:6). Judah te in mi khempeuh zuih ding a kikheel lo, tawntung Pasian thukham leh Israel minam sung bek aa kizang ngeina thukham tegel ii kilamdanna a khen siam theih ding uh kisam hi. Gentile mite biakna / ngeina thukhamte (eg. Vun atna) aana zuihsak ding hilo hi, ahi zongin Pasian thukham zuih ding athupit zia theihsak ding kisam hi. Tua thu hangin, Paul in Pasian thupiakte zuihna tam veipi na bulphuh hi (Ro. 13:8-10; 1Co. 7:19; Ef. 4:28; Ef. 6:2).

“amah bek a si thei lo, a kineh thei lo khuavak sunga nungtapa, kuama muh ngei loh le a muh theih loh pa ahi hi. Ama tungah pahtawina le thahatna om tawntung ta hen. Amen.” (1 Timothy 6:16) Kha si theilo cih upna Thubu tawh kituak lo hi. The doctrine of the immortality of the soul cannot be based in the Scripture. Ih sih ciangin theihna bangmah om nawn lo cih LST in kician takin hong gen aa (Eccl. 9:5; Ps. 115:17) tua Pasian bek a si theilo Pa ahi hi (1Tim. 6:16). Sih theihlohna ih cih in thawh kik ni “A si theite in sihtheihlohna a silh ding” (1 Cor 15:53) ciangin gup ngah mite silh ding ahi hi. Sihna in mi kim hong sukkhak a kipan (Heb. 9:27), sihna pen ihmutna cih ih tel ding thupi mahmah hi. Paul in zong sihna pen “ihmutna” ahihzia hong gen phapha hi (1Ts. 4:13; 1Co. 11:30; 1Co. 15:6).

“Sanggamte aw, a ihmusa mite thu thei lo-a na om ding uh le lametna a nei lo midangte dah banga na dah ding uh ka deih kei uh hi. Eite in Jesu si a, tho kik zo hi, ci-in i um hi. Tua ahi ciangin ama sunga a ihmu khin- sate Pasian in Jesu tawh hong tonpih ding hi, ci-in i um hi.” (1 Thess 4:13-14) Thawhkikna omlo in gupkhiatna om lo hi: “Tua hi-a, Christ kithokiksak lo hileh na upna uh a mawkna hi-a na mawhnate uh sungah a om lai na hi ding uh hi.” (1Co. 15:17-18). Thubu sungte ah a a kigelh mah bangin Jesu si in a thawh kik hun dong han sungah om hi, ci’n Paul in hilh hi. Tua mah bangin ei zong ih sih ciangin thawhkik hun dong han ah ih om ding hi. “Ahi hangin mi khempeuh amau hun ciat hi ding uh hi. A gahmasa Christ ahi hi; tua ciangin ama hong pai ciangin ama mite a tho kik ding uh hi.” (1Cor. 15:23). Jesu thawhkikna leh thu-um mite thawhkikna in ih upna ii hiang khat ahi hi.

Paul amah bek in nasem lo hi. Thubu sungah Paul naseppih tampi kimu thei hi: Barnabas, Judas Barsabbas, Silas, John Mark, Timothy, Erastus, Tychicus, Aristarchus, Jesus Justus, Demas le Luke. Mi khat in silpiak bangzah nei cih athupi hilo hi; hih nasep in amah bek ii sep theih hilo hi. Kipawl khawm aa sepkhop ahi hi. Sepkhopna ah zong haksatna hong om thei hi. Gtn, Demas in a kisap mahmah laitak in Paul nusia hi (2Tim. 4:10). Nasia tak a kisel khit uh ciangin, Barnabas leh John Mark te in Paul nusia in mundang ah nasem uh hi (Acts 15:36-41). Ahi zongin, tua in a tawntung a ki thu tuah lohna hilo hi. Mawh kimaisakna kha in ih sungah na hong sep nak leh kilemna pen bang hun bang hun piang thei hi.

“Paul in leitung ah a nuntak khiat gahte kua in teh thei ding hiam? Tua thupha gah khiatte, thuakna damsak, dahna hehnem, siatna peelsak, hazatna leh pumpi nopsakna pan laamto, sih theihlohna lametna tawh vanglian khawm, Asia gam pan Europe gam tuipi gei dong Pasian Tapa’ lungdamna thu apuakna ah Paul leh a naseppih lawmte sepkhiatna in bangzah in manpha hiam? Tua bang thupha tampite sungah Pasian khutzat nuntakna ih ngah ding bangci bangin manpha hiam? Tua bang nuntak khiatna ii gahte teci pan nading atawntung in bangci bangin manpha ding hiam?” E.G.W. (Education, cp. 7, pg. 63)