Title: The Father’s Duty Text: Psalm 78:1-8 = Singx Nzung 78:1-8 Father’s Day Bible Time: June 21, 2009 Title: The Father’s Duty Die Nyei Gong Text: Psalm 78:1-8 = Singx Nzung 78:1-8

1 O yie nyei baeqc fingx aah 1 O yie nyei baeqc fingx aah! Meih mbuo oix zuqc muangx yie njaaux nyei jauv, oix zuqc baeng m'normh muangx yie nyei nzuih gorngv nyei waac. 1 Hear my teaching, my people. Turn your ears to the words of my mouth.

2 Yie oix gorngv waac-beiv, yaac oix gorngv cuotv loz-hnoi gem jienv nyei sic. 2 I will open my mouth in a parable. I will utter dark sayings of old.

nyei jauv, dongh yie mbuo nyei 3 Se yie mbuo duqv haiz duqv hiuv nyei jauv, dongh yie mbuo nyei ong-taaix gorngv mbuox yie mbuo nyei sic. 3 Which we have heard and known, and our fathers have told us.

4 Yie mbuo maiv zorqv naaiv deix sic bingx yie Mbuo nyei dorn-jueiv, zungv oix mbuox jiex mingh wuov doic. Oix gorngv Ziouv zoux puix duqv ceng nyei sic, yaac gorngv taux ninh nyei qaqv caux ninh zoux mbuoqc horngh nyei sic. 4 We will not hide them from their children, telling to the generation to come the praises of Yahweh, his strength, and his wondrous works that he has done.

appointed a teaching in Israel, which he 5 Ninh yiem Yaakopv nyei zeiv-fun mbu'ndongx liepc leiz-nyeic, yiem I^saa^laa^en njiec lingc, dongh ninh hatc yie mbuo nyei ong-taaix oix zuqc njaaux ninh mbuo nyei fun-faqv, 5 For he established a testimony in Jacob, and appointed a teaching in Israel, which he commanded our fathers, that they should make them known to their children;

6 weic bun nqa'haav wuov doic zeiv-fun, dongh maiv gaengh cuotv seix wuov deix, hiuv duqv ziouc nzipc jienv gorngv mbuox ninh mbuo ganh nyei dorn-jueiv zeiv-fun. 6 that the generation to come might know, even the children who should be born; who should arise and tell their children,

7 Hnangv naaic ninh mbuo ziouc kaux Tin-Hungh maaih lamh hnamv dorngx, yaac maiv la'kuqv Tin-Hungh zoux nyei sic, mv baac ei jienv ninh nyei leiz-latc zoux. 7 That they might set their hope in God, and not forget the works of God, but keep his commandments,

and rebellious generation, a generation that 8 Ninh mbuo ziouc maiv hnangv ninh mbuo nyei ong-taaix nor, dongh hnyouv ngaengc faanv lunc wuov doic mienh. Wuov doic mienh maiv kaux wuonv Tin-Hungh, ninh mbuo nyei hnyouv yaac Maiv ziepc zuoqv gan Tin-Hungh. 8 and might not be as their fathers, a stubborn and rebellious generation, a generation that didn’t make their hearts loyal, whose spirit was not steadfast with God.

Biux Mengh Waac - 1 Hungh Douh 2:2-4 Loz-hnoi Ndaawitv nyei seix oix jiex nyei ziangh hoc, ninh hnangv naaiv nor njaaux ninh nyei dorn Saa^lo^morn. Ninh gorngv, “Ih zanc yie oix zuqc yangh baamh mienh yietc zungv oix zuqc yangh nyei jauv. Meih oix zuqc henv, bun cing meih zoux jun-zeiv mienh. Oix zuqc ei jienv Ziouv, meih nyei Tin-Hungh, paaiv nyei waac. Oix zuqc yangh ninh nyei jauv ei fiev jienv Mose nyei Leiz-Latc Sou nyei yietc zungv leiz-latc caux

lingc caux leiz. Hnangv naaic, maiv gunv meih zoux haaix nyungc fai mingh taux haaix norm dorngx, meih ziouc duqv longx. Ziouv yaac oix ei jienv ninh laengz bun yie nyei waac zoux. Ziouv gorngv, “Se gorngv meih nyei zeiv-fun faix fim ninh mbuo yangh nyei jauv, oix zuqc longc nzengc hnyouv, longc nzengc za’eix ziepc zuoqv nyei yiem yie nyei nza’hmien, meih nyei zeiv-fun ziouc nzipc jienv I^saa^laa^en Mienh nyei hungh weic, maiv dangx.” (1 Hungh Douh 2:2-4)

Singx Nzung 78 Zaang se benx I^saa^laa^en Mienh ceng Tin-Hungh nyei nzung. Naaiv Zaang Ging-Sou yaac njaaux taux I^saa^laa^en Mienh oix zuqc njaaux ninh mbuo nyei hoz baan zeiv-fun gan Tin-Hungh nyei leiz. Naaiv diuh nzung se dongh I^saa^laa^en Mienh yiem Deic-Bung Huaang nyei ziangh hoc fiev daaih. Naaiv diuh Nzung yaac gorngv taux dongh yiem I^yipv biaux cuotv daaih wuov deix mienh zoux nyei zuiz hnangv haaix nor.

Loz-hnoi mbuo Iu-Mienh yietv gox deix mhuo hnamv daaih maiv lauh mbuo nyei sei oix jiex aqv nor, mbuo cingx daaih jiex gorn njaaux mbuo nyei fu’jueiv fun- faqv. Maaih deix diex maac zuov jienv ninh mbuo nyei qiex a’lamh deix dangx aqv cingx daaih paaiv waac fai njaaux ninh mbuo nyei fu’jueiv. Mv baac aengx zoqc yaac ninh mbuo corc zoux yietc nyungc. Ih zanc mbuo ni? Mbuo duqv njaaux jiex haaix nyungc longx nyei jauv bun jiex mbuo nyei fu’jueiv nyei fai? Meih leih baamh gen nyei ziangh hoc, meih maaih deix haaix nyungc longx nyei waac liouh bun meih nyei hoz baan zeiv- fun nyei fai?

hnangv haaix nor njaaux ninh mbuo nyei fun-faqv taux Naaiv douc Ging-Sou biux mengh taux I^saa^laa ^en Mienh hnangv haaix nor njaaux ninh mbuo nyei fun-faqv taux Tin-Hungh nyei jauv. Meih hnamv daaih mbuo horpc zuqc zuotc ninh mbuo nyei nyungc zoux nyei fai? Zinh ndaangc maaih dauh gorx mbuox yie, ninh nyei die daic nyei ziangh hoc kungx zengc yietc zung bouv caux norm ndaangh jui bun ninh hnangv, wuov deix ninh nyei diex dorh mingh yenc in buov nzengc. Yie ganh maiv duqv buatc yietc nyungc taux yie nyei die nyei ga’naaiv. Yie nyei maa nyei buonc ninh gorngv duqv dauh auv bun yie. Ih hnoi meih caux yie maaih haaix nyungc longx nyei jauv bun mbuo nyei fu’jueiv zoux liouh mangc, weic haih duqv jangx taux mbuo? Kuv waac fai, zoux kuv nyungc zeiv nyei jauv, fai jaa-dingh nyei ga’naaiv?

(1) Njaaux ninh mbuo muangx ong gux nyei waac (ys. 1-3) Ging-Sou Nyei Koux-Nyuoz: Oix zuqc njaaux meih mbuo nyei fu’jueiv yiem juqv nyungc jauv: (1) Njaaux ninh mbuo muangx ong gux nyei waac (ys. 1-3) (2) Ziouv zoux puix duqv ceng nyei sic (ys.4).

(3) Ziouv liepc leiz-nyeic yiem Yaakopv nyei zeiv-fun I^saa^laa^en Mienh mbu’ndongx yaac njiec lingc hatc yie mbuo nyei ong-taaix oix zuqc njaaux ninh mbuo nyei fun-faqv (ys.5). (4) Weic bun hoz baan zeiv-fun haih nzipv jienv Njaaux ninh mbuo nyei dorn-jueiv zeiv-fun (ys.6).

(5) Weic bun ninh mbuo haih kaux Tin-Hungh weic maaih lamh hnamv dorngx, yaac haih ei jienv Ziouv nyei leiz-latc zoux (ys. 7) (6) Ninh mbuo ziouc maiv hnangv ninh mbuo nyei ong-taaix nor, dongh hnyouv ngaengc Tin-Hungh faanv lunc wuov doic mienh. Wuov Doic miwnh maiv kaux wuonv Tin-Hungh yaac Maiv gan Tin-Hungh (ys. 8).

(1) Oix zuqc jienh njaaux meih mbuo nyei Setv Mueiz Waac: Ging-Sou hatc mbuo njaaux fu’jueiv nyei jauv. (1) Oix zuqc jienh njaaux meih mbuo nyei fu’jueiv (Nzamc Leiz-Latc 6:4-7). (2) Njaaux fu’jueiv gan ninh horpc yangh jauv, gox daaih ninh ziouc maiv leih nqoi ( Cong-Mengh Waac 22:6) (3) Fu’jueiv corc maaih lamh hnamv nyei ziangh hoc oix Zuqc mborqv njaaux maiv dingx bun ninh sueih ganh nyei Hnyouv zoux (Cong-Mengh Waac 19:18)