1. HOTKHIATNA KOICI NGAH DING Sinna 5 - August 2, 2014 ni ading

2. “Moses in gamlak ah tua gullim akhai bang in mihing Tapa kikhailum ding a, amah aum mi khempeuhte in tawntung nuntakna angah na ding uh ahihi.” (John 3:14-15) Singlamteh a Zeisu hong picin’ sak hotkhiatna pen eite ading ahihi. Hothiatna ih ngah theih nading bang thu teng kisam hiam? 1.Ih kisap lam theihna. 2.Kisikna. 3.Zeisu upna. 4.Zeisu’ dikna sanna. 5.Zeisu’ nungzuihna.

3. “Tua huhpa hong pai ciang in leitung ah mawhnate, dikna thu, leh thukhenna thu hong phawk sak ding hi.” (John 16:8) Zeisu pen mawhneite tawh kikhawl ci in ki mawh sak hi. Zeisu in, “cidamte zato mang kisam lo in cinate kisam uh hi. Midikte samm ding a hong pai ka hi kei a, mawhneite kisikkik nang a hong pai ka hihi” a ci hi. (Luke 5:31-32) Ih nat ciang in zato mang ih zong hi. Tua bang mah in, mawhnei ih hih lam ih theih ciang bek in hotkhiatna ih zong hi. Mawh nei ih hih lam ih theih nang in Kha Siangtho in ih lung sung ah na hong sem hi. Ih khialh lam hong phawk siam sak hi. Tua khial kisakna lungsim in honpa hong lunggulh sak hi. Kha Siangtho thu ih manh loh ciang in ih lungsim ama lang khat ah akhauh sak ih hihi. Tua bang ciang in a aw ih zakna hong kiam semsem hi.

4. “Tua ciang in Peter in amaute kiang ah, “na vek un kisiik un la mawhmai na dingin Zeisu Khazih sung ah kituiphum un. Tua ciangin Khasiangtho silpiak na ngah ding uh hi” aci hi.’” (Sawltak 2:38) Kisiikna mann ah cial thum om a: 1.Ih mawh lam kitheihna. 2.Mawh bawlsate hang a zum’na. 3.Mawh bawl nop nawn loh takpina. “Pasian in hong it theih nang in akisiik ih hi kei a, ih kisiik theih nang a hong itna hong lak hi zaw hi. ” Ih mawhnate pan kiphelh nuam in kisiik ki sawm kha lo hi. Kisiikna pen Pasian kiang pan a letsong na hi gige hi. (Romans 2:4). E.G.W. (Khazih Gentehna Thute, Christ’s Object Lessons, pg. 189) Ih mawhnate theihna bek in hotkhiatna ngah na ding in cingtak zo lo hi. Zeisu in, ‘’ na kisiik kei uh leh na sia maimang ding uh hi’’ ci hi. (Luke 13:3)

5. Tua hi a, ‘’Topa Zeisu na up leh nang leh na innkuanpihte in hotkhiatna ngah ding hi’’ aci hi. (Sawltak 16:31) Ih mawh lam thei a kisiikna pen kisam a, ahí zong in tua theihna in hong honkhia thei lo hi. Zeisu upmuanna nei takpi a Ama hong kipumpiakna ah upna ih neih kul hi. Upmuanna’ hotkhiattheihna vang pen, ih up ih muan Pasian kiang pan hi a, aum mite kiang pan hj lo hi. Tua ngiat pen Pasian kiang pan a silpiak ahihi. (Ephesians 2:8)

6. “Khazih pen leitung honkhiapa hi cih upna mawkmawk in khalam damna hong pia thei lo hi. Hotkhiat upna in thumann thutak ah thukimna hi bek mawk lo hi. Upna tawh nuntakna vai theih khit asawm masate in Pasian kiang pan thupha sang thei lo hi. Khazih thu upna bek kicing lo a; Amah ih muan kul hi. Amah pen eima honpa a sanna bek in phatuamna hong pia in; Ama dikna hong pia hong ngah sak thei hi. Upmuanna pen ngaihsutna bang khat in ki ngaihsun kha hi. Gupkhiat upmuanna in Khazih asangte Pasian tawh thuciamna sung ah Pasian tawh kipawl- khopna ahihi. Upna diktak tawh nuntakna ahihi. Anungta upna in muanna’ tha khauh sak semsem a, tua upna pen zawhna’ vangliatna suahsakna ahihi.” E.G.W. (Khangcin’ Lunggulh, The Desire of Ages, cp. 36, pg. 347)

7. “Kumpipa in mopawi simte a et ciang in mopuan silh lo mi khat mu a tua pa kiang ah, lawm aw, ‘’bang ci bang in mopuan silh lo pi in hong lut na hi hiam?’’ ci in a dong hi. Tua pa in gen ding anei kei hi. Tua ciang in kumpipa in, asawltakte kiang ah, ‘’akhut akhete hen un la khuamial sung ah va paii un’’ ci a, hih thu ah kahna leh hagawina om ding hi. (Matthew 22:11-13) Vantung gam ah puan diklo tawh kilut thei lo hi. Tua puan bang hi mawk hiam? Isaiah in, “Pasian in hotkhiatna puan tawh kei hong tuam in, Ama dikna puan hong silh sak hi’’ na ci hi. (Isaiah 61:10) Khalam thu ah guaktang a om ih hihi. Hotkhiatna silh ih cih ciang in ei dikna tang in Zeisu’ dikna sangg cihna ahihi. “Tua hi a, Amah in mawhnei lo mi mawhna suak sak a, eite in Ama sung ah Pasian dikna ih suah theih nang ahihi.” (2 Corinthians 5:21)

8. “Tua ciang in Zeisu in, Amah aum Jew mite kiang ah, ‘’ka thupiak (kammal) bang a na tat uh leh ka nungzui na hi takpi ding uh hi’’ aci hi.’’’ (John 8:31) 1.Ama thu tawh kituak a nuntakna.  Laisiangtho “thumann” bang a nuntakna (Titus 2:1) 2.Ama nungzui hihna.  Zeisu ettehna, na khempeuhte sang a Amah itzawkna, leh Ama thu midangte kiang ah genna cihte ahihi. (1 John 2:6; Matthew 10:37; Matthew 28:19-20) 1.Ama thu tawh kituak a nuntakna.  Laisiangtho “thumann” bang a nuntakna (Titus 2:1) 2.Ama nungzui hihna.  Zeisu ettehna, na khempeuhte sang a Amah itzawkna, leh Ama thu midangte kiang ah genna cihte ahihi. (1 John 2:6; Matthew 10:37; Matthew 28:19-20)

9. Ih kisapnate theihna. Pasian in ih mawh lam hoing thei sak hi. (John 16:8). Kisiiknna. Pasian in kisiikna lam hong zuatpih hi. (Romans 2:4). Zeisu upna. Pasian in ih up theih nang upmuanna hong pia hi. (Ephesians 2:8). Zeisu’ dikna sanna. Pasian in Ama dikna tawh hong tuam hi. (Isaiah 61:10). Zeisu’ nungzuihna. Pasian in ih zuih ding gamtatna phate hong bawl kholh sak hi. (Ephesians 2:10). Hotkhiatna ih ngah nang a ih hihh theih, ih piak theih, leh ih kilawmna bang mah om lo hi. Na khempeuh Pasian khut sung ah om hi. “Bang hang hiam ci leh Ama lungkimna bang a aut, abawl thei ding in Pasian in na sung uh ah hong sem hi.” (Philippians 2:13)